早上約7時29分，沙田沙瀝公路往大老山隧道近碩門邨，姓李(32歲)男子駕駛紅色綿羊仔電單車駛至隧道管制區，疑交通擠塞「攝車罅」在車輛之間行駛，其間失控撞到一輛由姓鄧(49歲)男子駕駛的白色綿羊仔，白色綿羊仔翻側，鄧倒地。
紅色綿羊再衝前五、六米，撞向一輛客貨車，李人仰車翻，綿羊仔倒在貨車尾，李則躺在客貨車左車頭，幸沒有被車輪輾過，驚險萬分。消防員到場救出李，他頸及胸痛送院。意外後白色綿羊仔電單車鄧姓司機頻呼「好彩」，「我人冇事，ok」，而客貨車男乘客則表示，當時李駕的電單車，撞向鄧的綿羊仔後，「撞完兩頭fing，人跌低碌前，跌係客貨車左車頭胎旁邊，我哋即刻dup車，冇轆到佢！」
